Die reaksie op die Regering van Nasionale Eenheid blyk plaaslik en internasionaal steeds die goedkeuring weg te dra, ondanks ideologiese verskille tussen partye. Op plaaslike regeringsvlak, wil dit egter voorkom of die model nie toegepas word nie. Die bakleiery tussen veral die DA en die VF Plus in die Wes-Kaap, is ‘n voorbeeld. Die Wes-Kaapse hooggeregshof het onlangs bevind die verkiesing van die VF Plus se burgemeesterskandidaat in die Theewaterskloof-munisipaliteit was onwettig. Ons praat hieroor met dr. Corné Mulder, Wes-Kaapse leier van die VF Plus.
