Kersoggend praat ons in RSG Landbou oor blomme. Passie, goeie grond, goeie water en ‘n goeie ligging is wat ‘n blomboerdery benodig. So sê Leon Pretorius van Pretorius Blomme. Dié familieboerdery het in 1987 in die mieliewêreld van Delmas begin en ons hoor hoe besigheid ten spyte van al die uitdagings, steeds groei.
Verder kan jy uitsien na ‘n landbou Kersboodskap vanaf Johann Kotzé, Hoof Uitvoerende Beampte van Agri SA.
In Geestesgesondheid gesels Johan van Lill met psigiater, dr Chris van den Bergh, oor “wat is ‘n man sonder sy werk?”.
Ons fokus op manlike geestesgesondheid en praat oor mans wat hulle identiteit rondom hulle werk bou en hoe ons op nuwe manière na manlikheid moet kyk om mans se geestesgesonheid te bevorder.
Internet inkopies sonder ‘n vaste adres nou moontlik
Jan Vermeulen, redakteur van MyBroadband gesels oor aanlyn inkopies sonder ‘n vaste adres.
Departement gee nog R2.6 miljard om indringerplante uit te wis
Dr. Brian van Wilgen van Stellenbosch Universiteit gesels oor die departement se R2.6 miljard belegging om indringerplante uit te wis.
Donderdagaand (21 Desember) om 20:00 in RSG se Radioteater kan jy luister na Eleanor Lombard se ligte ‘whodunnit’, Die Skuldige Is Dus..
‘n Raaisel is nou maar eenmaal ‘n ding wat opgelos wil word. Oor die jare verkneukel ons ons in die slimgeit van ‘n Sherlock Holmes en ‘n Hercule Poirot. En dan is daar adjudant-offisier Lokkie Homes en sy oor-ywerige assistant Jamie Watson.
Adjudant-offisier Lokkie Homes en sy assistent, sersant Jamie Watson, ontvang ‘n oproep: ‘Julle moet dadelik kom. Ek dink iemand is vermoor!’ Soos hulle ondersoek vorder blyk dit dat die slagoffer se hele huishouding elkeen ‘n motief het om hom vankant te maak.
Wie is die skuldige? Dit mag jou verras!
Eleanor Lombard se drama, Die Skuldige Is Dus.. is ligte tong-in- die-kies vermaak vir (oplettende ) nuuskierige agies. Kyk of jy die raaisel kan oplos voor Lokkie en Jamie dit doen!
Die op-en-wakker adjudant-offisier Lokkie Homes word vertolk deur die ervare akteur André Samuels.
Sersant Jamie Watson, die op-en-wakker speurder se soms oor-entoesiastiese assistent, word vertolk deur Cole Wessels.
Ronel Geldenhuys kan gehoor word as die onbedroefde weduwee, Sandy Vermeulen.
Adriaan Havenga is die oorledene en die weduwee se kansvatter stiefseun, Nico Vermeulen.
Johann Nel vertolk die rol van Koos Vermeulen, pa van die oorledene, en oupa van Nico. Hy is oud, maar nog nie koud nie!
Karli Heine kan gehoor word as Koekie, die huishoudster, ‘n meisie met geheimpies.
Die regie is behartig deur Amor Tredoux.
Die tegniese en akoestiese versorging is deur Cassi Lowers.
Kan die regering se planne om die vervoerprobleem op te los, slaag?
Prof Jan Havenga van die Universiteit van Stellenbosch gesels oor die regering se plan om vervoerprobleme aan te spreek. Volg RSG Geldsake op Twitter
Reddingsplan van die poskantoor kos 6000 werksgeleenthede
Een van die Poskantoor se sakesreddingspraktisyns, Anoosh Rooplal gesels oor die reddingsplan en die toekoms van die Poskantoor.
