Ons nuwe vervolgverhaal is ‘Tien dae’ deur Lee Doubell

Luister van vandag elke weeksdag om 14:45 na ons nuwe vervolgverhaal deur Lee Doubell. Tien dae is ‘n opvolg van Sestig Dae.

Agtergrond en storie
Twee jaar ná hulle storie tot ʼn einde gekom het, word al die karakters wat ons in RSG se vervolgverhaal Sestig Dae leer ken het, weer byeengebring.

Hierdie keer word hulle uitgenooi om tien dae op die SS Salacia, ʼn luukse plesierboot, deur te bring. Die misterieuse eienaar van die boot belowe om almal ʼn groot bonus te betaal as hulle die uitnodiging aanvaar.

Met Tien Dae word daar weer gewerk met verslawing in al sy vorms, en die gevolge daarvan. Van die passasiers aan boord van die SS Salacia word gekonfronteer met die gruwel van geslagsgeweld, en die nagevolge van sulke aanvalle.

Al die karakters is terug, maar ná twee jaar het hulle verander, en die spa-vakansie op ʼn luukse skip bring allerhande eienskappe van hulle karakters na vore – soms goed, maar dan ook sleg.

Aan die einde van Sestig Dae het Meneer X spoorloos verdwyn, maar Dennis die privaatspeurder werk saam met Interpol om te probeer uitvind wie die misterieuse Madame Kyrioskie is.

Richard en Tanya het intussen goed geld gemaak uit die topverkoper wat Tanya oor Meneer X en sy manewales geskryf het, en voel hulle verdien ʼn kort vakansie ná al hulle harde werk.

By die Nova Sentrum behandel Magda en Susan steeds hulle pasiënte, en Lauren is ongelukkig weer terug as ʼn pasiënt.

Die span wat Sestig Dae so suksesvol vervaardig het, is almal weer terug en hierdie keer word alles op see, op die spel geplaas.

Verwag dieselfde bekende stemme in ʼn splinternuwe avontuur wanneer hulle vir tien dae aan boord van die SS Salacia probeer ontspan en ou vriendskappe hernu. Luister of laai gerus Sestig Dae  op potgooi af (https://www.rsg.co.za/rsg/potgooi-resultaat/?_sf_s=sestig%20dae) en wees gereed vir Tien Dae.

Die karakters en rolverdeling
Die rolverdeling is:

Frieda van den Heever as Susan Cilliers,
Royston Stoffels as Richard April,
Rene Cloete as Tanya Koster,
Roeline Daneel as Essie Cilliers,
Eugenie Wiggins as Bettie Winkler,
Hannah Borthwick as Meneer X (Izel),
Ronel Geldenhuys as Magda Lewis,
Cole Wessels as Dennis Donovan,
Chloe van Rooyen as Lauren Beyers,
Albert Maritz as Deon Smit,
Stefan Vermaak as Albert de Wet en
Jacques Bessenger as Kaptein JP Swart.

Anrich Herbst is regisseur en Lee Doubell die skrywer.

Frieda van den Heever
Royston Stoffels
Rene Cloete
Roeline Daneel
Hannah Borthwick
Ronel Geldenhuys
Cole Wessels
Chloe van Rooyen
Albert Maritz
Stefan Vermaak
Jacques Bessinger

 

Anrich Herbst
Lee Doubell

 

 

 

 

 

 

Wiskunde en wetenskap: SA-leerders laaste, dis die onnies se skuld

Suid-Afrikaanse leerders het lelik afgesteek in die 2023 Tendense in Internasionale Wiskunde en Wetenskapstudie, of te wel TIMSS. Dit meet leerlinge se wiskunde- en wetenskapgeletterdheid in verskeie lande. Suid-Afrika het laaste gekom. Dis egter nie so eenvoudig nie, sê professor Michael le Cordeur, Visedekaan: Onderrig en Leer van die Fakulteit Opvoedkunde aan die Universiteit Stellenbosch.

Wat hou die weer in 2025 in?

Verlede jaar was die warmste jaar sedert daar met die optekening van temperature begin is. In Suid-Afrika, soos in die res van die wêreld, was daar etlike natuurrampe, en droogtes in ons noordelike buurlande duur voort. In Suid-Afrika het die somerreën besonder laat gekom, en nou reën dit al vir dae aaneen in groot dele van die land, wat ook skade veroorsaak. Talle saaiboere moes al ‘n tweede keer plant. Ons praat hieroor met professor Francois Engelbrecht, direkteur van Wits se Global Change-instituut.

Regsake: Voetganger-eise teen die Padongelukkefonds; botsing weens selfoon-gebruik

Igna Klynsmith praat oor voetgangerseise teen die Padongelukkefonds.

Hy bespreek ook ‘n geval waar ‘n versekeringsmaatskappy ‘n vrou aanspreeklik hou vir ‘n botsing, wat volgens hulle veroorsaak is deur haar gebruik van ‘n selfoon terwyl sy bestuur het.

Patentprokureur Karel Bredenkamp praat oor onregmatige mededinging.

Sal ‘n windpomp op Mars werk?

Professor Matie Hoffman praat oor ’n vals video wat weer die rondte doen. Daar is luisteraarsvrae oor die kolonialisering van Mars, en hoe ’n windpomp op daardie planeet sal werk.  In Ruimteraai vra ons wat ‘n skrikkelsekonde is. En Lafras Smit vertel waarna ons kan uitsien in Desember se naghemel.

Hoe kry ek ‘n RSG-program op potgooi?

Met soveel lekker RSG programme is dit soms moeilik om by almal uit te kom. Gelukkig word ons programme opgeneem en as potgooie beskikbaar gestel waar jy daarna kan luister, aflaai of deel. Ons verduidelik hieronder hoe om ‘n RSG potgooi te vind:Besoek die RSG webwerf by www.rsg.co.za of gaan sommer direk na die postgooi blad deur die www.rsg.co.za/rsg/potgooi/ in te sleutel.

Jy kan na die potgooi aanlyn luister deur die pers knoppie te druk of dit te deel via die pyl teken regs bo-aan die potgooi skerm.

As jy op die ‘share’ ikoon druk, sal dit jou die onderstaande skerm gee met ‘n reeks opsies van waarheen jy die potgooi wil aflaai of stuur.

Let asseblief daarop dat nie al RSG se programme as potgooie beskikbaar is nie. Dit geld veral vir musiek en boekvoorlesings waar kopiereg die beskikbaarheid beperk.