Alles in ‘n vroeggebore baba is nog ‘onder konstruksie’ veral die brein

‘n Baba wat vóór of op 37 weke swangerskap gebore word, is ‘n vroeggebore of premature baba. Dié babas is nog ‘onder konstruksie’ en al hulle organe en stelsels is nog nie volledig ontwikkel nie. Hoe vroeër ‘n baba gebore word, des te groter is die risiko dat iets skeef kan loop. ‘n Pediater van die Tygerberg Neonatale eenheid vertel wat veral met die brein, longe, niere en dermkanaal skeef kan loop.

Deel 2

‘n Vroeggebore baba is ‘n baba onder konstruksie, en baie dinge kan skeefloop. In deel 2 van ‘n kort reeks fokus ons op die oorsake, risikogroepe, moontlike langtermyngevolge en voorkoming.

Landbou besproeiing word baie effektief in SA gedoen

Landboubesproeiing – Deel 1

20 November 2024

Werner Booysen vertel vir Martelize Brink hoe effektief besproeiing in Suid-Afrika gedoen word. Meer as 60% van Suid-Afrika se watergebruik is vir landboudoeleindes.

Landboubesproeiing – Deel 2

18 Desember 2024

Werner Booysen vertel vir Martelize Brink hoe effektief besproeiing in Suid-Afrika gedoen word. Meer as 60% van Suid-Afrika se watergebruik is vir landboudoeleindes. Dit neem 50 liter om ‘n lemoen te produseer en 70 liter vir ‘n appel.

Motors: Wat kan ons in 2025 verwag?

Talle nuwe motors word vanjaar in Suid-Afrika bekend gestel, en ons gaan na so ‘n paar van hierdie modelle kyk. Nie net is nuwe modelle nuus nie, daar is ook die samesmelting van Nissan en Honda, goedkoop Chinese modelle wat uiters gewild is en die Britse ikoniese MG, wat deur ‘n Chinese maatskappye oorgeneem is en ‘n terugkeer na Suid-Afrika gemaak het. Ons praat hieroor met Marnus Hattingh, motorredakteur van Netwerk24.

Wat is die verskil tussen Bipolêr 1 en 2?

Bipolêre versteuring is ‘n diagnoseerbare sielkundige toestand, wat gekenmerk word deur groot skommelinge in ‘n persoon se gemoedstoestand, vanaf uiterste depressie (lae gemoed) tot uiterste manie (uitermatige, ontoepaslike opgeruimdheid). Navorsing oor dié toestand duur steeds voort, maar ‘n kombinasie van medikasie en psigoterapeutiese behandeling (om ‘n sielkundige te gaan spreek) kan die simptome grootliks verlig en lewenskwaliteit verbeter. Lise Swart praat met ‘n sielkundige oor die uitwerking wat hierdie versteuring op geliefdes kan hê.

Wat is die verskil tussen verseker en vir seker?

Beteken kwes en kwets dieselfde? Wat is die verskil tussen verseker en vir seker, en hoe word dit gebruik? Dié en ander taalnavrae word beantwoord saam Gerhard van Wyk en Alet Cloete van die Woordeboek van die Afrikaanse Taal.

Hier is klimaatsverandering al lankal aan die gang

Klimaatsverandering is deesdae die gonswoord, en ons hoor allerlei redes hoekom dit gebeur. Maar diep in die Winterhoek en Baviaanskloofberge ervaar boere al lankal klimaatsverandering. Meer as 40 jaar gelede het dit byvoorbeeld nog gereeld daar gesneeu en het die Grootrivier standhoudend geloop, onthou Bennie Rathbone van die gasteplaas Hadley. Mariska Spoormaker het met hom by ‘n vleisbraaivuur gepraat.

Geen geld vir doktersposte midde-in tekort aan staatsdokters, korrupsie, hoë nalatigheids-eise weens min doktersposte

Jong afgestudeerde dokters kry nie poste in die staatsdiens nie, en poste om te spesialiseer is ook so skaars soos hoendertande. Ondanks die nypende tekort aan dokters, poste en geld, wil die regering nie afsien nie van sy planne vir ‘n nasionale gesondheidsversekering. Die departement van gesondheid sê daar is eenvoudig nie geld om poste te vul nie.

Die aanbieder van Gesondheid op RSG en gesondheidjoernalis, Mari Hudson, doen verslag.