Johan van Lill praat met dr. Chris van den Berg, ‘n psigiater, oor mans en hulle selfbeeld. Hulle ondersoek die verskil tussen selfbeeld en selfvertroue, waarom selfbeeld belangrik is vir menslike ontwikkeling, en hoe dit beïnvloed word deur interne en eksterne faktore.
Hoe maak jy seker jy koop nie ’n gebruikte motor wat in ’n ongeluk was nie?
Faan van der Walt – uitvoerende hoof en stigter, WeBuyCars
Nuwe oggend-boekvoorlesing speel in Kalahari af
Vanaf 17 Januarie 2025 kan luisteraars elke weeksoggend om kwart voor elf inskakel vir RSG se splinternuwe oggendboekvoorlesing, “So ook op die aarde” deur die bekroonde skrywer Betsie van Niekerk. Lizelle Pike is die leser.
Hierdie boeiende storie – oor ‘n Framse non en kaalvoetpriester in die Kalahari – in samewerking met Naledi, beloof om luisteraars mee te voer na die Kalahari se ruwe landskap en die diep menslike emosies van die karakters wat ons daar vind.
Oor die storie
In ‘n klein afgeleë gemeenskap in die Kalahari ontdek Leonie, ‘n jong Franse non, die komplekse wêreld van liefde, menswees en oorlewing.
Sy ontmoet die aantreklike kaalvoetpriester Vader Simon, die wyse Ouma Pop, oom Herklaas die hoofouderling, en ander kleurvolle karakters soos die streng Suster Agnes en die geheimsinnige koster. Hierdie verhaal bied ‘n ryk blik op die lewens van dié wat in ‘n uitdagende woestynwêreld moet floreer.
Oor die skrywer
Betsie van Niekerk, ‘n digter en bekroonde jeugverhaalskrywer, bring haar passie vir die veld en woorde na hierdie verhaal. Sy het grootgeword op ‘n plaas naby Clanwilliam en het die grootste deel van haar lewe in die Kalahari deurgebring, waar sy ook ‘n onderwyseres was vir Kalahari-kinders.
Haar werke sluit bekroonde jeugboeke soos Gamkab (1996) en Anderkind (2021) in, sowel as ‘n digbundel en ander kortverhale.
Betsie woon tans in Malmesbury en hou steeds haar liefde vir die Afrikaanse taal lewendig.
Betsie vertel graag waar die inspirasie vir die storie ontstaan het. “Ek het vir baie lank in die Noord-Kaap ( Upington) gewoon en is goed bekend met die Kalahari en sy mense. Op ‘n staptog langs die Oranjerivier ( Grootrivier) het ek het ook in aanraking gekom met die vriendelike nonne van Pella, ‘n klein Rooms-Katolieke sendingstasie. Toe ek begin oplees oor Pella se ontstaan, het ek afgekom op die aangrypende klein geskiedenis van ‘n jong Franse priester wat eiehandig ‘n katedraal in die semi-woestyn gebou het en vir 50 jaar dié afgeleë gemeentetjie (eers Kammasfontein) getrou gedien het. Sy persoonlike motto was: “Ek sal vashou en nie laat los nie”. Dit het my geïnspireer om “So ook op die aarde” te skryf.”
Die span agter die voorlesing
Die voorlesing word onder leiding van regisseur Johny Klein vervaardig, wat self ‘n diep verbintenis het met die Noord-Kaap. “Dit is vir my ‘n voorreg om die stories van my wêreld deur woorde en klank tot lewe te bring. Ek hoop dit sal luisteraars help om deel te wees van ons taal en kultuur,” sê hy.
“Dis vir my veral lekker om my eie wêreld (die Noord-Kaap) se stories te vertel en vir ander mense die prentjie te skep oor hoe dit daar lyk en wat die mense alles daar aanvang. Dit vat my altyd terug na my mense toe. Dit maak dat ek altyd deel voel van hulle. En hulle nooit vergeet nie. Veral omdat ek deesdae so min in die Noord-Kaap kom.”
Johny noem dat ‘n groot uitdaging die vrees is dat jy nie die storie uitbeeld soos die skrywer dit wil hê nie. Maar dat dit ook die geleentheid bied om jou talente te gebruik om net deur woorde en jou stem, ‘n hele storie vol prentjies vir mense te kan skep.
Die voorleser, Lizelle Pike, ‘n bekende in die vermaaklikheidsbedryf, noem hierdie projek haar “vuurdoop” as voorleser. Lizelle is bekend vir haar rolle in Musiek vir die Agtergrond, Stuur Groete aan Mannetjies Roux, Pretville en Bloedbroers. “Om met Johny Klein as regisseur en die roerende woorde van Betsie van Niekerk te werk, is ‘n voorreg wat ek met trots sal onthou,” sê sy. Lizelle is ook onlangs gehoor in RSG se Kersdrama, Ster van Bethlehem, waar sy die rol van Maria vertolk het.
Luister saam!
RSG nooi jou om saam te luister en RSG se Facebook en Instagram dop te hou vir meer inhoud oor hierdie en ander projekte.
Mynbou bedreig landbou en omgewing
Mynbou-aktiwiteite bly ‘n saak van kommer. Die impak op fauna en flora, waterhulpbronne, agri-toerisme en landbou in die algemeen, is kommerwekkend. Ons praat met prof Andries Raadt van TLU SA se omgewingsbewaringsorganisasie oor die Musina-Makhado Spesiale Ekonomiese Sone-projek in Limpopo.
Fynbou Chris Derksen is op sy pos met die week se vleispryse, en Johan van den Berg gesels weersake.
Sakeliga sê die Wet op Klimaatsverandering gaan maatskappye hard slaan
Piet le Roux – uitvoerende hoof, Sakeliga
Regsfirma hof toe oor nuwe bemagtigingskodes
André Vos – direkteur, praktykshoof: litigasie & lid van dagbestuur, Norton Rose Fulbright Suid-Afrika
Trump se planne met Groenland, Kanada, Panamakanaal
Oor minder as ’n week word Donald Trump weer ingehuldig as die Amerikaanse president. Hy het die wêreld die afgelope tyd op hol met sy uitsprake oor sy planne met Groenland, die Panamakanaal, die Golf van Mexiko en selfs Kanada.
Ons praat hieroor met professor Theo Venter, verbonde aan die Universiteit van Johannesburg.
Wat jy moet weet van Fetale Alkohol Spektrum Steurnis, deel 1 & 2
Groeipyne 19 Desember 2024
19 Desember 2024
Dr. Leana Olivier, die bestuurshoof van die Foundation for Alcohol Related Research, praat oor Fetale Alkohol Spektrumafwykings, en hoe om ingeligte besluite te neem.
Groeipyne 17 Oktober 2024
17 Oktober 2024
Suid-Afrika het by verre die hoogste voorkomsyfer van Fetale Alkohol Spektrum Afwykings ter wêreld. Dr. Leana Olivier, die bestuurshoof van die Foundation for Alcohol Related Research, vertel wat die oorsake is, en watter werk hulle in gemeenskappe doen.
Luister weer: Die Verdwyn van die Afrika Pikkewyn
Luister op 16 Januarie na die ondersoeke dokumentêr Die verdwyn van die Afrika pikkewyn, deur Martelize Brink.
Sommige omgewingskundiges voorspel dat die Afrika pikkewyn teen 2035 sal uitsterf. Wie is te blameer? En hoekom is daar soveel sektore wat versuim om ‘n oplossing te vind?
Agtergrond inligting
Dit is volgens sommige omgewingskundiges nie meer ‘n vraag of die Afrika Pikkewyn gaan uitsterf nie. Die pikkewyn endemies tot Afrika is krities bedreig. Met so min individuele voëls in die natuur, sal die bevolking “funksioneel” uitgesterf wees teen 2035.
‘n Ondersoekende dokumentêr oor die kritiek bedreigde Afrika Pikkewyn en versuim van verskillende sektore om ‘n oplossing te vind. Volgens wetenskaplikes is daar nie ‘n gekoördineerde poging om die pikkewyn van uitsterwing te red nie.
In Die verdwyn van die Afrika Pikkewyn besoek Martelize ‘n skuiling vir die Afrika Pikkewyn, bespreek die druk waaronder die spesie tans probeer oorleef met verskeie wetenskaplikes en vra die Departement Bosbou, Visserye en Omgewingsake watter regulasies in plek is om die spesie te probeer red.
Getalle neem só af
In die vroeë 1900’s het 1,5 tot 3 miljoen individuele Afrika-pikkewyne oor die spesie se verspreidingsgebied langs die Namibiese en Suid-Afrikaanse kus gewoon. Daar word beraam dat daar byna 1 miljoen pare op die Weskus se Dassen-eiland alleen was.
Teen die middel-1950’s was egter net 10% van hierdie getalle oor as gevolg van eier-oes en guanoverwydering.
Sedert 1979, toe die eerste telling van die groot Suid-Afrikaanse kolonies gedoen is, het die broeibevolking van ongeveer 55 200 pare tot ‘n skamele 10 000 broeipare in Suid-Afrika en 4 000 in Namibië afgeneem, volgens die 2 Oseane Akwarium.
Hier is meer inligting oor die nuwe dokumentêre seisoen
Hoe kan jy tyd wat vlieg as jy ouer is, “terugkry”?
Johan van Lill praat met lewensafrigter Jan Niemand oor waarom dit voel asof tyd vinniger en vinniger verbygaan namate jy ouer word. Hulle bespreek die impak hiervan op jou geestesgesondheid, en hoe jy maniere kan vind om “tyd terug te kry”.