Edrees Alexander vertel vir Martelize Brink van Star College Bridgetown op die Kaapse Vlakte. Die skool het afgelope 25 jaar 100 % matriekslaagsyfer. Tans is die skool nommer 4 in die land, met 3,375 onderskeidings per matriekleerder.
Verskeie luisteraars is bekommerd dat banke weens kripto en KI gaan misluk en verdwyn. Kokkie Kooyman, fondsbestuurder by Denker Capital, deel sy insigte.
Hoe gaan dit met die Suid-Afrikaanse graan- en rooivleisprodusent? Twee boere, James Faber en Derek Mathews, beantwoord ‘n paar vrae hieroor. Hulle is ook voorsitters van georganiseerde landbou-organisasies.
Dis die einde van die maand, en Izak Hofmeyr is terug met ons maandelikse internasionale landbounuus.
Johan van Lill praat met opvoedkundige sielkundige dr. Elzette Fritz oor wanneer jou kind die nes en/of die land verlaat. Wat is die impak op jou geestesgesondheid wanneer dit oor jou pad kom?
29 Januarie 2025 Misdaadnavorsers waarsku al jare lank oor taxibase wat byna soos Suid-Amerikaanse dwelmkartelbase optree teen dese en gene wat hulle monopolie bedreig – niemand word gespaar nie. Maandagaand laat en in die vroëe ure van gisteroggend, het georganiseerde, gewapende groepe met klapmusse op Putco-depots toegeslaan, en altesaam meer as 50 busse aan die brand gesteek en op sekuriteitswagte geskiet en hulle gewond.
Ons praat hieroor met professor Piet Croucamp, politieke ontleder verbonde aan die Noordwes-Universiteit se sakeskool, wat al jare met taxibase en geweld werk.
Luister ook:
Danie Malherbe, algemene bestuurder van Putco, gesels oor die aanvalle op hul busse.
Christo de Witt – hoof, Luno Suid-Afrika.
Jan Vermeulen, die redakteur van MyBroadband, deel sy insigte oor DeepSeek. Volg RSG Geldsake op Twitter
Dawie Roodt van die Efficient-groep praat oor Deep Seek, ’n Chinese maatskappy se kunsmatige intelligensieplatform.
Die Amerikaanse Minister van Buitelandse sake, Marco Rubio, het aangekondig dat die staking van skenkings vir sekere lewensbelangrike projekte eers opgeskort sal word.
Intussen word tientalle navorsingsprojekte wat met MIV/Vigs verband hou, asook die verskaffing van antiretrovirale medisyne aan MIV-lyers in Suid-Afrika, bedreig. Amerika het verlede jaar miljarde rand aan hierdie programme in Suid-Afrika geskenk.
Een van hierdie navorsingsprojekte word gelei deur een van die wêreld se voorste navorsers om ‘n inenting teen MIV te ontwikkel, professor Glenda Gray. Deur die USAID-program sou die navorsingsprojek R860 miljoen ontvang het.
Maandelange onmin in die Swellendamse munisipale raad is op die spits gedryf toe die VF Plus-raadslid en speaker, Juan van Schalkwyk, ‘n mosie van wantroue in die DA-burgemeester, Francois du Rand, gesteun het. Die mosie is deur die ANC gebring. Die DA en VF Plus regeer Swellendam in ‘n koalisie.
Die Wes-Kaapse leier van die VF Plus, dr. Corné Mulder, het Van Schalkwyk se optrede hand en tand verdedig, terwyl die nasionale leier van die VF Plus, dr. Pieter Groenewald, aangekondig het die party ondersoek Van Schalkwyk se optrede. Swellendam, die derde oudste dorp in Suid-Afrika, is egter nie die enigste munisipale raad waar daar onmin tussen die DA en VF Plus is nie.
Ons praat hieroor met Heindrich Wyngaard, voorsitter van Kaapse Forum en ’n politieke kommentator. Heindrich reis wyd in die Wes-Kaapse platteland.
Afrikaans vier vanjaar ‘n eeu as amptelike taal. Die meeste sprekers van Afrikaans is Bruin, en volgens Statistieke Suid-Afrika het meer as 77% Bruin mense aangedui hulle huistaal is Afrikaans.
Die Suid-Afrikaanse Akademie vir Wetenskap en Kuns bied Vrydag hulle Geskiedenissimposium aan. Een van die referate wat daar gelwer sal word, handel oor stedelike, Bruin, middelklashuishoudings se siening en gevoel oor Afrikaans.
Merlyn van der Rheede het haar meestersgraad hieroor gedoen, en lewer Vrydag haar referaat.
Hier volg die nuus – ‘n profieldokumentêr is saamgestel deur Ina Strydom en word op 30 Januarie om 20:00 op RSG uitgesaai.
Om Mariëtta Kruger as ‘n uitsaailegende te beskryf is allemins ‘n oordrywing.
Met ‘n loopbaan wat oor meer as vier dekades strek, op radio én op televisie, het sy in die Afrikaanse gemeenskap ‘n huishoudelike naam geword.
In die profieldokumentêr Hier volg die nuus vertel sy hoe haar loopbaan begin het en wat dit was van radio spesifiek, wat haar so bekoor het. Sy vertel van interessante onderhoude – sy het immers die politiek in die land beleef vanaf BJ Vorster tot en met Cyril Ramaphosa!
Maar daar is ook ander onderhoude wat uitstaan, veral weens haar liefde vir die Afrikaanse letterkunde, en in die besonder die ouer skrywers.
Sy vertel van buitelandse besoeke vir nuusdekking en om materiaal vir programme te kry.
Mariëtta praat oor televisie as medium, en waarom radio haar so ná aan die hart lê. Sy vertel hoe die uitsaaiomgewing verander het, en van die mense wat ‘n invloed op haar lewe gehad het.
‘n Paar oudkollegas vertel hoe dit was om saam met Mariëtta te werk, en wat die jong geslag by haar kan leer. Sy praat ook oor egtheid en integriteit – en die prys van bekendheid.
Mariëtta Kruger se uitsaailoopbaan strek oor meer as vier dekades, en sy is ewe bekend op radio as op televisie. Sy is bekend vir haar keurige taalgebruik, haar werksetiek en uiterste professionaliteit, en haar kundigheid.
