Só kan KI help met landbounavorsing

Arie van Raavneswaay van die Wes-Kaapse Departement van Landbou verduidelik hoe kunsmatige intelligensie help met landbounavorsing. Vroeër vandeesmaand het brande groot dele van Los Angeles verwoes. In ‘n tyd van ‘n veranderende klimaat leer ons hoe om te onderskei tussen egte verslaggewing en fopnuus.

Kom vier Kanker-oorlewingsdag

Het die oorlewingsyfer van kanker verbeter? Watter kankers is nou meer behandelbaar en watter reageer swak op behandeling. ‘n Chirurg wat met kankerpasiënte werk en  vier pasiënte vertel van hulle reis met kanker.
Luister Woensdag om 11:30 na Gesondheid op RSG.

Die Panorama Sentrum vir Chirurgiese Onkologie beplan ‘n spesiale dag vir kankerpasiente op 15 Februarie 08h30-12h30 by die
Panorama Mediclinic, hospitaal (koste: R150pp).

Dit is ‘n oggend ter viering van dapper mense wat dik en dun deurgemaak het tot op hede itv hul gesondheid.
Hulle beoog om dmv ‘n paneel, wat bestaan uit spesialiste in hul onderskeie velde, insig en praktiese wenke te bied oor die fisiese, emosionele en sosiale rehabilitasie as kankeroorwinnaar.

Die vraag: “Hoe tel ek my lewe op na die stryd gewonne is en leef in oorvloed?’ wil ons meer toelig. Ervare onkologie maatskaplike werkster, Linda Greeff sal kleingroepbesprekings lei.

“Ons hart is om hierdie pad wat soveel pasiente en hul families rondom ons deurmaak, te vier. Om hulle te bemoedig en toe te rus. Hierdie is nie net vir PACSO se pasiente nie. Ook nie die tipe kanker spesifiek nie. Lewensmaats is veral baie welkom. Ons beoog nie om enige wins uit die dag te maak nie,”skryf dr Elré Gerber van PACSO.

Enige belangstellendes kan haar kontak by info@pacso.co.za of skakel 021 939 7790

Die spesialiste betrokke op ons paneel is:
Dr Ettienne Myburgh (onkoplastiese chirurg)
Dr Lizanne Langenhoven (onkoloog)
Dr Andre Vos (onkoloog)
Dr Marica Louw (algemene praktisyn)
Linda Greeff (onkologiese maatskaplike werkster)
Berna Harmse (dieetkundige)
Karin Barnard (biokinetikus)

RSG benodig JOU stem vir ‘n spesiale uitsending op Internasionale Moedertaaldag

Spits jou ore! RSG benodig JOU stem vir ‘n spesiale uitsending op Internasionale Moedertaaldag.

Vyf luisteraars se skryfwerk kan op 21 Februarie om 19:30 in Kompas gehoor word.

Hoe gemaak?

  • Skryf ‘n kort stukkie kletsrymteks
  • Gebruik minstens een van die volgende vyf woorde in jou kletsrym (jy mag meer as een gebruik):
    • Boepens
    • Kattekwaad
    • Pantoffel
    • Woefkardoes
    • Knormoer.
  • Neem dit op en Whatsapp die opname, saam met jou naam, van en waar jy woon na 064 743 4284.
  • Dit hoef nie ‘n professionele opname te wees nie. Selfoonopnames is voldoende.
  • Maak seker die woorde kan duidelik in jou opname gehoor word.
  • Die opname moet in MP3-formaat gestuur word.
  • Moet asseblief nie musiek invoeg nie, maak  slegs van woorde gebruik.
  • Tydsduur: Die opname moet tussen 30-sekondes en een minuut lank wees.
  • Spertyd 14 Februarie om 10:00.

Die beste kletsryme sal Vrydagaand, 21 Februarie, in Kompas gehoor word. Die kletsryme gaan deur ‘n professionele stemkunstenaar opgeneem word.

Waarvoor wag jy! Skryf dadelik jou kletsrym in,  en jou woorde kan op RSG gehoor word.

 

Waar kom vrugtevliegies en muggies so vinnig vandaan?

Die Aarde het ʼn wonderlike vermoë om homself te reguleer, en ons sien dit in die natuur, só is die mens nie skynheilig deur kwansuis die Aarde te wil red nie?

Vugtevliegies en muggies daag uit die bloute op in die kombuis as daar ryp vrugte is. Waar broei hulle, en wat is hulle aantrekkingssintuie?