Wat is ‘n middeljare-krisis? Wanneer is dit net ‘n lewenfase, en wanneer is dit ‘n krisis? As hierdie nie ‘n sielkundige diagnose is nie, hoekom is dit soms nodig om sielkundige hulp te kry?
Lees en luister ook meer oor manlike men-o-pouse en erektiele disfunksie:
Igna Klynsmith bespreek ‘n saak wat handel oor die reg van ouers om ‘n fetus, wat nog nie 26 weke swangerskap bereik het nie, te kan begrawe. Die vraag is of artikels 18 en 20 van die Wet op Registrasie van Geboortes en Sterftes teenstrydig is met die grondwet.
Riëtte Ooshuizen praat oor internasionale verhuising van een ouer met minderjarige kinders.
In Suid-Afrika word bosverdigting en bosindringing dikwels verwar. Talle grondeienaars sit met die probleem van bosverdigting, en volgens prof. Nico Smit van die Universiteit van die Vrystaat, moet slapende honde nie wakker gemaak word nie. Die beheer sluit talle faktore in. Hy gesels oor sy 36 jaar se navorsing op dié gebied.
Daar is ook nuus oor veilings wat in die volgende paar weke plaasvind.
Is daar iets soos ‘n suksesvolle mislukking? In die wêreld van ruimtetegnologie word daar dikwels hierna verwys. Die onlangse mislukte poging van die Britte om ‘n vuurpyl van ‘n vliegtuig af te lanseer, is ‘n goeie voorbeeld daarvan.
Nuwe navorsing wys dat ons son nie ‘n tipiese ster is nie.
Suid-Afrikaanse satellietbouers het nog ‘n mylpaal bereik deur ‘n cubesat te lanseer, wat spesifiek daarop gemik is om landbouwaarnemings te doen.
Hoekom is daar meer muskiete in die Karoo, waar dit droog is, as in die natter Oos-Kaap?
Ons leer leer oor die middel-akkedis en kraaie se gedragsprobleme.
Sakeliga is met verskeie hofsake aan die veg om munisipale verval te probeer omkeer.
Hulle pak Eskom in die hof oor ongereguleerde lasvermindering wat ook betalende kragverbruikers benadeel. Voorts veg hulle vir die instel van betaalmeesters om sekere munisipale fondse te ‘omhein’ en dat die ouditeur-generaal die name van die korrupte en onbevoegde munisipale beamptes bekend moet maak.
Traumaberader Yvonne Retief gesels oor die effek van onverwerkte trauma.
Ons bring hulde aan die skrywer, dramaturg en digter Dolf van Niekerk, wat op Oujaarsdag 2022 oorlede is. Hy was een van die veelsydigste woordmense in Afrikaans met verskeie romans, kortverhale, radiodramas en digbundels op sy kerfstok. Van Niekerk het ook ‘n groot aandeel gehad in die sukses van Afrikaanse radio. Jy kan luister na ‘n dokumentêr wat Ina Strydom in 2019 saamgestel het ter viering van sy 90e verjaarsdag. In sy internasionale insetsel bring Johan Myburg hulde aan die Britse skrywer Fay Weldon. Hy vertel meer oor die Skotse digter Robert Burns se verjaarsdagvieringe, en bespreek twee boeke vir leunstoelreisigers.
Die bekroonde en veelsydige skrywer, Dolf van Niekerk, is op Oujaarsdag, 31 Desember 2022, in Pretoria in die ouderdom van 93 oorlede. RSG saai vandeesweek huldigingsprogramme uit om sy nagedagtenis te eer. Dolf van Niekerk se reis as voortreflike woordsmid is onlosmaaklik verweef met die Afrikaanse radio en die SAUK waar hy sy loopbaan begin het. Ons gesels oor sy filosofiese kant. Prof. Johann Rossouw is ‘n dosent in filosofie by die Universiteit van die Vrystaat, en praat met ons oor dié skrywer, dramaturg en digter wat hy sy lewe lank bewonder het. Ons hoor ook ‘n bydrae uit die SAUK se klankargief waar Dolf van Niekerk gesels oor sy radioloopbaan by die Afrikaanse Diens in die 1950’s.
Prins Harry se veelbesproke boek, SPARE, is amptelik te koop nadat byna al die inhoud reeds uitgelek het. Dit behoort egter steeds ‘n wegholsukses vir die prins te wees. Hy loop deur onder ‘n magdom kritiek omdat hy so baie persoonlike en private inligting oor sy familie uitgelap het in die boek en in drie TV-onderhoude daaroor. Sy stiefma en die media is duidelik nie sy gunstelingmense nie. Hoe groot is die skade aan die reputasie van die Britse koningshuis? Of het Prins Harry homself in die voet geskiet? Ons praat uit Brittanje met die strateeg, dr. Thomas Oosthuizen, ‘n kenner van handelsmerke en reputasiebestuur.
In Suid-Afrika is die tuismeng van veevoer ‘n algemene praktyk, maar is die kool die sous werd? Alheit du Toit van Feedtek kyk na die voor-en nadele van dié praktyk. Somergraanaanplantings kom ook onder bespreking met Petru Fourie van Graan SA. Veilings het vandeesweek hervat, en Chris Derksen vertel watter pryse by veilings in die Noord-Vrystaat behaal is. Johan van den Berg gesels oor die weer.
