Besorgde vroue van Knysna het besluit om amptelik kragte saam te snoer om Knysna skoon en mooi te maak. Revive Knysna het tot stand gekom, en die sakegemeenskap van die dorp het hulle ondersteun. Nou is parke en tuine al mooi gemaak, die ou stasie-gebou opgeknap en ‘n vervalle bushalte het nuwe lewe gekry.
In My Mooi Dorp om 3 nm gesels Marí Hudson met twee van die vroue wat vertel hoe Revive Knysna aan die gang gekom het en wat hulle al bereik het.
RSG en Revive Knysna daag alle dorpe in die land om ‘n Revive-program te begin.
In dié episode van My Mooi Dorp vertel Kallie Kriel meer oor sonpanele en oor ander projekte van Afriforum om te help om beter dienste te lewer aan dorpe en stede in ons land.
Igna Klynsmith bespreek ‘n vraag of daar ‘n beperking op die hoeveelheid jare is wat moet verloop vir ‘n slagoffer van kindermolestering om nog ‘n saak te kan maak.
Hy bespreek ook ‘n saak oor ‘n persoon wat valslik van rassisme beskuldig is, en praat oor die Wet op die beskerming teen teistering.
Strafregkenner Dr. Llewelyn Curlewis praat oor twee aspekte wat altyd in hofsake ter sprake kom.
Die groen komeet is tans iewers in die omgewing van Mars en Aldebaran in die noorde.
Daar was ‘n berig dat een van die James Webb-onderdele onklaar geraak het vanweë ‘n kosmiese straal. Die span verduidelik wat ‘n kosmiese straal is, en of die fout uiteindelik herstel is.
Hulle praat ook oor produkte wat uit die ruimteprogram voortgevloei het, en hoe ons op verskeie maniere daarby baat.
Stefan Lotz van SANSA verduidelik wat binne die kors van die aarde aangaan na aanleiding van ‘n vraag oor magnetisme. Hy verskaf ook die maandelike sonweer-vooruitskouing.
Vryheid van spraak is deesdae op almal se lippe! Ons praat graag oor onderwerpe wat met geloof, standpunte, gender, gelykheid, menseregte, politiek, alledaagse sake, gemeenskappe, vermaak en bekendes en beroemdes te doen het.
Johann van Lill
Argumente, debatvoering, besprekings en redenasies is deel van ons daaglikse diskoers – dit was nog van altyd af daar, maar sosiale media het vir almal van ons ’n platform gegee om ons stemme te laat hoor. En elkeen wat sosiale media gebruik, voel hulle het die reg om hulle opinie oor enige aangeleentheid uit te spreek.
Nou meer as ooit, besef mense maar te goed die bepalende mag van sosiale media. Aan die een kant gee dit vir mense ‘n platvorm om hulle stemme te laat hoor of om hulleself sigbaar te maak – daar is mense wat ‘n lewe daaruit maak om mense se menings oor sake te vorm (hulle word opinievormers of “influencers” genoem) – omdat sosiale media sulke sterk verhoudings met die publiek bou.
Die donker kant daarvan is egter dat dit ook ‘n mens of organisasie se reputasie kan ruïneer. Rusbankkenners se menings word baie keer meer ernstig opgeneem as werklike kenners …
Die vraag wat in die dokumentêr gevra word, is Hoe goed is ons onderleg in die formulering van argumente en standpunte en weet ons hoegenaamd om te redeneer oor ’n saak? Hoeveel keer word daar nie op facebook, twitter en ander soortgelyke platvorms, die persoon aangeval (en soms vernietig) in die naam van die saak, redenasie of gebeurtenis deur mense wat geen grondige kennis het van die kwessie nie.
Johan van Lill het in hierdie dokumentêr met verskeie meningsvormers, akademici en filosowe gesels oor die moderne mense se vermoë om logiese argumente te formuleer en hoekom mense op sosiale media reageer soos hulle doen. Hoekom is dit vir ons as moderne mense so belangrik om die kuns om goed te kan redeneer te herontdek?
Luister Donderdagaand 16 Februarie om 20:00 na RSG.
Dit is hoogs aansteeklik en kan tot breinontsteking en gevolglike permanente breinskade lei asook ernstige longontsteking en diarree en kan ook tot die dood lei.
Oningeënte kinders kan ander kinders en grootmense aansteek en tot hul dood lei.
Masels is in die kollig omdat uitbrekings van dié kindersiekte in verskeie noordelike en noordoostelike provinsies in ons land aangemeld is.
Dr Thandi Wessels, pediater verbonde aan die Tygerberg Hospitaal vertel meer oor masels, en ook bietjie oor kinkhoes, wat ook aan die toeneem is, en cholera.
Marie Viljoen wat ‘n lushof geskep het op haar balkon.
Hou jy van ‘n netjiese tuin, of ‘n wille woeste tuin? Watter soort tuin is die beste vir die klimaat waarin ons onsself tans bevind? Wat was die oorspronklike voorsate waaruit insekte ontwikkel het?
Dave Pepler vertel van ‘n vrou wat groot sukses behaal het met haar balkontuin in New York. Sy is ‘n Suid-Afrikaner wat besluit het om ‘n werkende tuin te skep.
Afriforum beplan ‘n nuwe kragentiteit om mense onafhanklik van Eskom te maak.
Kallie Kriel vertel dat Projek AfriEnergie in drie fases ontwikkel gaan word.
Fase 1 is om soveel mense as moontlik aan te moedig om op hul huise of sakeondernemings se dakke sonpanele aan te bring sodat hulself onafhanklik te word van Eskom en om oortollige krag in die netwerk terug te voeg.
Om dit reg te kry, sal Afriforum veg vir subsidiëring van sonpanele en om die vergoeding vir terugplaas van oortollige krag in die netwerk sodanig te maak dat dit as insentief kan dien.
Afriforum het ‘n gids laat saamstel om mense te help om die regte sonpanele, batterye en installeerders te kies.
Klik hier vir die gids: https://afriforum.co.za/mykrag/
Fase 2 is om meer munisipaliteite te oorreed om die bestuur van kraglewering, insameling van tariewe en oorbetaling aan Eskom in die hande van die private sektor toe te ken. Dit gebeur reeds in Frankfort en die Mafube munisipaliteit wat nou krag aan dié gebiede lewer teen ‘n laer tarief as ander dorpe.
Fase 3 behels die installering van modulêre korrelbed kernreaktors, wat nie dieselfde gevare inhou van groot kernreaktors soos Chernobyl nie.
Een só reaktor kan ‘n stad, groot dorp of ‘n paar naasliggende dorpe saam bedien.
Ons kyk na klouerige kinders en klouerige ouers. Wanneer is die gedrag verstaanbaar? Wanneer kan die gedrag moontlike negatiewe implikasies inhou? Hoekom moet ouers baie meer bewus hiervan wees?
Op Maandag, 13 Februarie, het ons Wêreldradiodag herdenk. Luisteraars het hul foto’s van hul daaglikse radio met ons op Twitter en Instagram gedeel.
Só luister ons luisteraars na RSG:
Johan Bakkes luister na ’n ou radio wat op sy meenthuis se ou alarmbattery gekoppel is tydens beurtkrag. Die radio staan op die ou antieke bank, met die ronde opvoubare tafel in die agtergrond. Albei is ‘n minimum van 130 jaar oud. Die kers in sy blaker, en gasbottel is ook sigbaar.Rhona van Zyl sê dit is hoe sy daagliks op hoogte bly van alles om haar.RSG hou Vorobieuf Basson geselskap terwyl hy bestuur.Hierdie radio behoort aan Anne Marie Davis.Lieb Wessels se ou Rally motorradio is byna 50 jaar oud. Lieb dryf dit aan met ‘n 12 volt transformer vanaf 240 volt krag.Dié foto is van Paula Paxton by haar radio.Clinton Viljoen sê sy radio is sy tjomma.Elize van Heerden sê sy en manlief luister na RSGEngela Pienaar luister op ’n tradisionele radio tydens beurtkrag en deur die slimfoon wanneer wifi beskikbaar is.Willie Hoffman luister in Oxfordshire terwyl dit -5 grade buite is.Garth Moore sê die middagvervolgverhaal en radiostories is sy gunsteling.
So luister John Arendse na RSGSó luister Marieta elke dag radio.Corien het hierdie foto ingestuur van ’n radio met braaitang as antenna. Die radio se tuiste is by Meraai se huisie op die Langebaan-lagoon.Trevor Butler luister deur sy oorfone.
Nerina Liebenberg noem haar radio die strydossie wat RSG na haar toe bring.Pieter Kotze luister elke dag na sy radio wat uit die laat sestigs dateer.Salome Williams se radioEstelle Gerber se radioElna Victor luister elke dag.Elna Strydom vertel dat haar getrou FMpie in ’n sentrale plek in die huis is en al wat dit stilmaak is pap batterye.Só luister Elize du Randt daagliks na RSG.Dottie Joubert se radiofoto.Annatjie Oberholzer sê RSG is haar kontak met die wêreld as beurtkrag inskop.Ansie Nieuwenhuis se huis is nooit stil nie. Tydens beurtkrag trek sy die elektriese draad uit en gebruik die battery.Adri Mostert se radio
Tjel Lindgren van Nasa is ‘n ervare ruimtevaarder wat al twee keer na die Internasionale Ruimtestasie gevlieg het. Hy vertel hoe sy pad geloop het om uiteindelik ‘n ruimtevaarder te word. Afgesien van sy kwalifikasie as vegvlieënier het hy ook gespesialiseer in fisiologie om die uitwerking van mikrogravitasie op die menslike liggaam te bestudeer.
