‘n Gesin vertel van hul reise met ooggestremdheid en nieroorplantings

Hoe gemaak as drie van jou vier kinders met Retinitis Pigmentosum, ‘n ernstige gesiggestremheid wat tonnelvisie veroorsaak, gebore word? En wat as twee van dié drie kinders nierversaking ontwikkel? Marí Hudson gesels met die Durr-gesin van Malmesbury en vind meer uit van Retinitis Pigmentosum, nierversaking, dialise, nieroorplantings, lewende nierskenkers, boeliegedrag teenoor ‘n gesiggestremde en hoe ‘n voornemende skenker haar nie deur bipolêre gemoedversteuring laat kortwiek het om ‘n medemens te help nie.

In deel 2 gesels Marí Hudson verder met Pieter-Jans, en ook met sy skenker Saretha Fouche, en met Elna en Allison 12 dae na die nieroorplanting.

Luister na een van Pieter-Jans se liedjies: En skud jou reg vir ‘n bietjie punk-rock:

Luister na Deel 1

In deel 1 van die reeks van 2 episodes vertel Marí Potgieter Durr van haar gesin. Elna Durr gesels oor die nieroorplanting waarop sy toe nog wag. Ons leer ook van haar baie interessante doktoriale studie oor die effek van diereslagting op die gemoed en lewens van die slagters. Haar nierskenker Allison Griffith vertel hoekom sy graag ‘n nier aan Elna wil skenk, en Pieter-Jans lig die sluier effe oor boeliegedrag teenoor ‘n gesiggestremde skoolseun.

Die onderhouede is vier dae voor die nieroorplanting gedoen. Alison se nier is ‘n week gelede in Elna oorgeplant. Die 0orplanting was baie suksesvol en die skenkernier werk teen 103%. Alison is reeds tuis, maar ondervind nog ongemak en pyn. Elna is gister, presies ‘n week ná die oorplanting ontslaan, en sê haar nier werk nou so goed dat sy gereeld moet opstaan om badkamer toe te gaan; iets wat min gebeur het terwyl sy in nierversaking was en dialise moes ondergaan.  

Lees en luister ook:

https://www.rsgplus.org/diabetes-middel-vertraag-nierversaking-dramaties/ https://www.rsgplus.org/niersiektes-kan-jou-stadig-bekruip/