Skip to content

Gerco praat oor sy 6 jr as Al-Kaïda-gevangene en sy onderhandelaar vertel meer

  1. Home
  2. RSG Nou
  3. Gerco praat oor sy 6 jr as Al-Kaïda-gevangene en sy onderhandelaar vertel meer

RSG NOU

Gerco praat oor sy 6 jr as Al-Kaïda-gevangene en sy onderhandelaar vertel meer

2024-01-22

Gerco van Deventer en sy vrou Shereen
Hy was skaars drie dae in Libië, waar hy as ‘n paramedikus kontrakwerk sou doen. Dit was 3 November 2017, toe Gerco van Deventer deur ‘n bende ontvoerders gevang is. Hy sou uitendelik ses jaar, een maand en 12 dae aangehou word. Die bende het hom later aan Al-Kaïda verkoop, waarna hy in die Sahara-woestyn aangehou is. Gerco is nie onbekend met konflikgebiede nie, en het voorheen in baie gevaarlike situasies in onder meer Afghanistan gewerk. Hy is in Desember verlede jaar vrygelaat – een van die langste gyselaarskappe deur ‘n terreurgroep in die wêreld. Intussen moes sy vrou, Shereen, op hul tuisdorp, Swellendam, spook om liggaam en siel aan mekaar te hou en alles in die stryd werp om Gerco vrygelaat te kry.

Gift of the Givers se gyselaar-onderhandelaar vertel van sy pogings

22 Januarie 2024
Mohammed Yahya Dicko
Vir ses jaar lank het hy lang dele sy lewe in Johannesburg op ys gesit om die Al-Kaïda-gevangene, Gerco van Deventer, te bevry deur onderhandeling. Mohammed Yahya Dicko is ‘n ingenieur van Mali. wat al 20 jaar lank in Suid-Afrika bly.
Nadat hy Imtiaz Sooliman van Gift of the Givers op die radio gehoor het, het hy sy dienste as ‘n onderhandelaar aangebied om gyselaars in die onherbergsame Sahara-woestyn te bevry.

Deel nou

0
Would love your thoughts, please comment.x
()
x