Archives: Podcast Clips

Lizelle de Bruin gesels met dr. Theo Geyser oor die gelykenisse wat Jesus in die Bybel vertel het en die waarde van daarvan vir ons vandag.

Na aanleiding van ‘n konferensie oor Armoede en Ekologie wat van 8 tot 10 Maart in Belville plaasvind, kyk Lizelle de Bruin na die integrale deel wat mens en natuur vorm en hoe gelowiges daaroor moet dink.

Johan van Lill gesels oor geloofsverdraagsaamheid met ds. Francois Wessels, dr. Chris Jones en Sjeg Thaffier Najjar.

In die werkplek is dit deesdae geen uitsondering dat mense van verskillende gelowe in een kantoor saamgegooi word nie. Wat sê die verskillende heilige geskrifte oor werk? Is dit ’n seen of ’n straf? Hoe moet verskillende gelowe mekaar in die werkplek akkomodeer?

Johan van Lill gesels met Christo en Jean Lombart oor idiome in die Bybel en hoe dit betekenis gee aan die taal wat ons elke dag gebruik.

Johan van Lill stel ondersoek in na die heilige land, Israel, se politieke woelinge en hoe dit die mense van die land beinvloed.

Die stigma van geestesgesondheid laat gelowiges wegskram van hulp soek. Johann Symington gesels oor psigosomatiese probleme, wat dit is, hoe dit lyk en hoe probleme opgelos kan word. Sy gaste gesels ook oor die impak wat geloof op jou psige het.

Kuns en kunsgalerye was onlangs baie in die nuus met die omstrede Spear-skildery. Watter rol speel kunstenaars se geloof in hulle skeppings en hoe moet gelowiges met kuns omgaan? Johan Symington kyk hoe godsdiens kuns kan beinvloed.

Baie gelowes moet volgens hulle geloof ’n pelgrimstog onderneem. Johan van Lill gesels met verskillende gelowe oor die onderskeie pelgrimstogte wat hulle onderneem en hoekom hierdie pelgrimstogte aangepak word.

Hoe lyk mans se geloofslewe? Watter rol speel geloof in hoe hulle hulle rol in die gesin en samelewing ervaar? Johan van Lill gesels oor geloof en hoe dit ’n gelowige man se rol in verhoudings beinvloed.