Archives: Podcast Clips

Johan Gouw, hoof van welvaartadviesdienste by PPS, gesels oor die markte en die regering van nasionale eenheid. Volg RSG Geldsake op Twitter

‘n Vurige debat oor die begroting in die Parlement. Die omstrede Nigeriese evangelis, Timothy Omotoso, word vrygespreek. Tafelberg Nasionale Park stel nuwe veldwagters aan.

Deel 1: Margaret Gardiner het op 16 ‘n internasionale voorbladmeisie geword, en kort daarna Mej. Heelal op 18. Sy het as moderedakteur by GoldenGlobes.com haar as vermaaklikheidsverslaggewer in Hollywood gevestig. Margaret is gewoonlik die onderhoudvoerder in Los Angeles wat vrae aan gesogte sterre rig, maar nou beantwoord sy Henco Kruger se vrae oor ‘n boek wat sy pas vrygestel het. Margaret weet hoe dit voel om op die rooi tapyt te wees, in die kollig – en wat agter die skerms aangaan. Met ‘n graad in sielkunde is hierdie debuutroman van haar vir elke vrou wat al ooit minderwaardig gevoel het. Henco en Margaret praat oor geld, en met haar debuutroman vertel sy die verhaal van ‘n vrou se selfontdekking, maar ook hoe mens jouself in die lewe moet laat geld.

Richard en Tanya bespreek wat om te doen oor die boek wat Izel nie meer wil laat publiseer nie. Tanya ontvang haar eerste boodskap van Izel.

‘n Taakspan van addisionele polisiebeamptes is na die Oos-Kaap ontplooi om die ondersoek na die verkragting van ‘n sewejarige meisie te verskerp. ‘n Hoogs-aansteeklike nuwe variant van a-pokke is reeds in sewe Afrikalande aangemeld. Spanning bou wêreldwyd in afwagting op die Amerikaanse president, Donald Trump, se aankondiging oor tariewe. Die hoof van Ernstige en Geweldsmisdade in die Wes-Kaap ontken dat die beskuldigdes in die Joshlin Smith-hofsaak aangerand is. Wat sê die wet oor werkgewers wat werknemers se komminukasie onderskep? Ons vra dié vraag nadat die SAUK erken het dat hy sekere werkers se e-posse monitor.

Narkose is nie net om jou aan die slaap te maak nie – dit plaas jou in ‘n koma. Maar narkose is 90 keer veiliger as 60 jaar gelede. Dit is enkele van die interessanthede wat aan die lig gekom het in ‘n gesprek met ‘n internasionaal bekende narkotiseur.

Mari Lee is ‘n kommunikasiespesialis en stigter van ’n kommunikasiemaatskappy. Sy praat oor hoe ons lewenstyl ons minder effektief kan maak as ‘n kommunikator.

Dis vandag Wêreld-outismedag met die tema, Omhels Neurodiversiteit. Terwyl daar baie aandag is op bekendes soos Elon Musk, wat na homself verwys as op die spektrum, is daar ook enorme onkunde en wanopvattings oor outisme en neurodiversiteit, veral as dit by volwassenes met outisme kom. Ons praat hieroor met Chael Nel, ‘n kliniese sielkundige van die Spectrum Centre in Johannesburg. Hy spesialiseer in neurodiversiteit.

Val Kilmer, bekend vir sy rolle in van die grootste rolprente in die 1980’s en 90’s, insluitend Top Gun en Batman Forever, is in die ouderdom van 65 oorlede.

Vir jare lank was die naam van Missus Pagel ‘n sinoniem vir ‘n befoeterde vrou. Ons praat in ons reeks oor dwarstrekkers en ander interessante Suid-Afrikaners uit die verlede oor Missus Pagel van die sirkus. Die man wat al hierdie interessante stories ken en met ons deel, is die skrywer, Daniël Lötter. Hy het die stories verewig het in sy boeke, DWARS: RARE KARAKTERS ONDER ONS en GEDAANTES EN GEDOENTES – STORIES OOR SPOKE, SIENERS EN LEGENDES.