Archives: Podcast Clips

Juanita du Plessis deel ‘n resep vir hoender in blatjang en lemoensous.

Francois 4×4 Rossouw waarsku mense wat sleepwaentjies het, om nie onbepland enige roete aan te pak nie.

Word jy maklik kwaad? Só kwaad dat ander mense jou gereeld vra hoekom jy buite beheer raak? Vind meer uit oor afwisselende eksplosiewe versteuring. Dis wanneer ‘n persoon se woede gediagnoseer kan word as ‘n versteuring. Wat staan die individu en geliefdes te doen?

Word jy maklik kwaad? Só kwaad dat ander mense jou gereeld vra hoekom jy buite beheer raak? Vind meer uit oor afwisselende eksplosiewe versteuring. Dis wanneer ‘n persoon se woede gediagnoseer kan word as ‘n versteuring. Wat staan die individu en geliefdes te doen?

‘n Gewyde boodskap vir RSG se Moslemluisteraars.

‘n Besprekingsprogram oor Islam en die Koran.

‘n Groepie akteurs repeteer aan ‘n moderne weergawe van Shakespeare se Julius Caesar. Die veeleisende regisseur blyk baie ongewild te wees, en wanneer daar boonop ‘n kragonderbreking is, begin die poppe dans. Die spelers is Wessel Pretorius, Roeline Daneel, Anrich Herbst, Hannah Borthwick, Marion Holm, Adriaan Havenga en Ira Blanckenberg.

Wanneer is die regte tyd vir potjie-afrigting (potty training), en waar begin ‘n mens? Die vroeë kinderontwikkelingspesialis, Yolandi van den Heever, gee raad.

Chris Vorster gesels oor sy biografie van die akteur Marius Weyers, bloot getiteld MARIUS WEYERS. Morné Malan, skrywer van MINDER AS WATER, praat oor sy jongste boek en sy benadering tot skryfwerk. Johan Myburg het nuus oor ‘n kinderboek wat oorlog vir kinders verduidelik, asook die Festival voor Het Afrikaans in Den Haag. Hy kyk ook na die werk van WB Yeats, wat ‘n eeu gelede met die Nobelprys vir Letterkunde bekroon is.

Wat is bewuste sedasie? Hoe verskil ’n epidurale verdowing van ’n spinale verdowing? Wanneer is ’n pynblok voldoende?