Archives: Podcast Clips

‘n In-diepte ontleding van die week se belangrikste nuusgebeure.

Hoeveel sterre is daar in die hemelruim, en hoe word hulle getel? Dis ‘n tergende vraag want die hemelruim is net so groot soos ons kennisvlak strek. Die span praat oor die maniere hoe die berekening gedoen word. Daar is ook inligting oor suurstof wat op ons warm buurplaneet, Venus, waargeneem is.

Lizzy Arends kan net tussen lig en donker onderskei. Sy is ’n professionele masseuse, en gee waardevolle wenke oor hoe om teenoor mense met sigverlies op te tree. Vicki Fourie, ‘n voormalige Mej Dowe SA, praat oor die wonder van kogliêre inplantings, haar drome en hoe sy ander dowes bemagtig.

Tracy Peters van die Staatsdienspensioenfonds verduidelik hoe die GEPF sy goeie finansiële prestasie oor die jare bestuur het, en hoe die fonds sy veerkragtigheid behou het, selfs tydens moeilike ekonomiese toestande.

Johan van Lill praat met Jannie van der Westhuizen, oudskoolhoof en onderwyskonsultant, oor hoe onderwysleiers ouerverwagtinge kan bestuur. Hoe kan die verhouding tussen die ouers en die skool gesond en konstruktief bestuur word?

Arehan Brand praat met Ellsforth Booyse van die OVK se Weskus-streek oor kieserregistrasie, en waarom dit so belangrik is.

Kan ‘n skokgolf lig maak wat deur die liggrens kan breek? Wie leef langer: diere in gevangenis of wilde diere? Hoekom is dit dat ons nooit dooie voëltjies sien rondlê nie?

Die Afrikaanse Onderwysnetwerk het onlangs ‘n beraad gehou oor die stand van Afrikaanse onderwys, waar hulle op bepaalde fokusgebiede besluit het. Die bestuurshoof van die AON, Daan Potgieter, vertel vir Ina Strydom wat die fokusgebiede is, en wat die pad vorentoe is.

Ds. Stephan Snyman van die Calvyn Protestantse Kerk van SA in Athlone.

Die speelgoed van die speelgoedkis hou ‘n vasvrawedstryd saam met Alicia. Alicia vra die vrae, en hulle moet antwoord. Ongelukkig kan daar net een wenner wees.