RSG se dramaseisoen skop vanaand af met die eerste drama wat om 20:00 uitgesaai word. Luisteraars kan uitsien na oorspronklike wentekste van die RSG Radiodramaskryfkompetisie, wat ons saam met die ATKV aanbied. Daar is onvergeetlike stories en ‘n paar verrassende nuwe klanke. Al die dramas is op potgooi beskikbaar, en dis uiters gewild. Om ons te vertel van hierdie seisoen, sluit RSG se dramahoof, Estel de Beer, by ons aan.
In die kollig 2 – 3 April 2025
Die 29e KKNK is in volle swang. Die produksie, Pampoenpit, het onlangs die toekenning vir beste teaterproduksie vir kinders en jong volwassenes by vanjaar se Fleur du Cap-geleentheid gewen. Ons gesels met twee van die akteurs, Miché van Wyk en Anzio September.
Dokter gaan Karoo op donkiekar platry
‘n Neurochirurg van De Rust in die Klein Karoo, dr. André Hattingh, gaan eersdaags 500 kilometer op ‘n donkiekar deur die Klein Karoo aflê om geld vir twee serebraalgestremde kinders in die samel. André het die nieregeringsorganisasie, Pediatric Care Africa, in 2017 gestig om kinders in Suid-Afrika en die res van Afrika by te staan.
Historiese Almanak 3 April 2025
Albe Grobbelaar praat oor ‘n verskeidenheid interessante karakters wat aan 3 April gekoppel kan word, onder meer ‘n skobbejak-swendelaar wat as The Yellow Kid bekend was.
Sakenuus 3 April 2025
Dawie Roodt van die Efficient-groep praat oor die woelinge in die Regering van Nasionale Eenheid en president Donald Trump se tariefoorlog.
Begroting: Sal RNE hou?
Die DA se federale raad sou gisteraand en vanoggend vergader om te besluit of die party deel van die Regering van Nasionale Eenheid moet bly. Dit volg op meer as ‘n maand se onmin tussen die DA en die ANC oor die begroting en die verhoging in BTW. Die regering het gisteraand op X aangekondig die halwe persentasiepunt verhoging in BTW gaan voort, met nog ‘n halwe persentasiepunt verhoging wat in 2026 van krag sal wees. ActionSA hou vol dat hy die fiskale raamwerk gesteun het om te keer dat BTW verhoog word. Die Patriotic Alliance, Good en nog kleiner partye het ook ten gunste van die fiskale raamwerk in die parlement gestem. Ons praat hieroor met Barnard Beukman, onafhanklike kommentator en voormalige Beeld-redakteur.
In die kollig 1 – 3 April 2025
Die 29e KKNK is in volle swang. Die produksie, Pampoenpit, het onlangs die toekenning vir beste teaterproduksie vir kinders en jong volwassenes by vanjaar se Fleur du Cap-geleentheid gewen. Ons gesels met twee van die akteurs, Miché van Wyk en Anzio September.
Begroting: Tony Leon verduidelik
Die parlement het gister die fiskale raamwerk van minister Enoch Godongwana se begroting goedgekeur, ondanks die DA, VF Plus, EFF en MK-party se beste pogings om dit te keer. ActionSA, die IVP, die Patriotic Alliance en ‘n handvol kleiner party het saam met die ANC ten gunste van die raamwerk gestem. Die DA se federale raad sou gisteraand vergader om te besluit oor die party se voortgesette deelname aan die Regering van Nasionale Eenheid. Godongwana en minister Gwede Mantashe het nie gras onder hulle voete laat groei nie om die DA aan te moedig om uit die RNE te tree. Ons praat hieroor met Tony Leon, ‘n voormalige DA-leier.
Wat jy vandag moet weet 3 April 2025
Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.
Monitor 3 April 2025
Reaksie op die aanvaarding van ons begroting. Suid-Afrika word swaar getref deur die jongste tariewe wat die VSA ingestel het. Die Suid-Afrikaanse Mediese Vereniging bring ‘n hofaansoek teen die Nasionale Gesondheidsversekering. Ons fokus op die pad vorentoe om puttoilette by openbare skole te vervang.