Die DA se federale raad sou gisteraand en vanoggend vergader om te besluit of die party deel van die Regering van Nasionale Eenheid moet bly. Dit volg op meer as ‘n maand se onmin tussen die DA en die ANC oor die begroting en die verhoging in BTW. Die regering het gisteraand op X aangekondig die halwe persentasiepunt verhoging in BTW gaan voort, met nog ‘n halwe persentasiepunt verhoging wat in 2026 van krag sal wees. ActionSA hou vol dat hy die fiskale raamwerk gesteun het om te keer dat BTW verhoog word. Die Patriotic Alliance, Good en nog kleiner partye het ook ten gunste van die fiskale raamwerk in die parlement gestem. Ons praat hieroor met Barnard Beukman, onafhanklike kommentator en voormalige Beeld-redakteur.