Category: Op en Waker

Blaine Jones praat oor kuberveiligheid.

Sy is vanjaar die beste beskuitbakker in die land – ‘n onderwyseres van die Vriendelike stad, Die Baai, of amptelik bekend as Gqeberha. Marthlé Smith is aangewys as RSG en Virseker se eerste Bakgat-beskuitkompetisie se algehele wenner.

Akteur John Krasinski is aangewys as People se sexyste man van 2024.

Eersdaags sal Eskom-kliënte hulle Eskom-elektrisiteistmeters moet herkodeer. Ons praat hieroor met Ronel Kotze van Eskom.

Albe Grobbelaar vertel van die geskiedenis en eerste uitsending van die BBC.

Dawie Roodt van die Efficient-groep praat oor rykdombelasting.

Die musiekblyspel, My Fair Lady, is een van die gewildste blyspele van alle tye, sedert dit die eerste keer in die jare 50 op Broadway gedebuteer het. Dit speel af in 1912 in Londen, buite Covent Garden. Dis gebaseer op die verhoogstuk, Pygmalion, wat reeds in 1913 die eerste keer opgevoer is. Nou het Suid-Afrikaners die geleentheid om ‘n uitsonderlike weergawe van My Fair Lady te beleef – eers in Kaapstad van 12 Desmeber af en daarna in Johannesburg. Craig Urbani is in die rol van Henry Higgins te sien, saam met Brittany Smith en Leah Mari, wat om die beurt die rol van Eliza Doolittle sal vertolk. Craig sluit by ons aan.

Die voormalige swaargewig-wêreldkampioen, Iron Mike Tyson, sal Vrydag in die kryt klim saam met die sosialemedia-persoonlikheid wat professionele bokser geword het, Jake Paul. Die geveg word regstreeks op Netflix uitgesaai.

Die aangewese 47ste president van Amerika, Donald Trump, het die name van persone in sekere invloedryke sleuteposisies in sy administrasie aangekondig. Midde die onsekerheid oor geopolitiek, word hierdie aanstellings, net soos in die res van die wêreld, in Suid-Afrika druk bespreek. Ons praat hieroor met professor Theo Venter van die Universiteit van Johannesburg.

Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.