Category: Op en Waker

Albe Grobbelaar vertel van die Guinness Book of Records se Hall of Fame.

Dawie Roodt van die Efficient-groep praat oor die jongste rentekoersverlaging.

Ons praat in hierdie reeks oor Suid-Afrika se geskiedenis met kernenergie, veral die ontwikkeling van ‘n atoombom. Verlede week het ons oor die kluis by Kentron gepraat. Ons sit die gesprek voort met professor Jo-Ansie van Wyk, ‘n politieke wetenskaplike verbonde aan Unisa en ‘n voorste kenner van kernenergie en atoombom-ontwikkeling. Sy vertel van die Witvleikomitee, Kramat en verdere verwikkelinge by Kentron.

Joshwin Dyson het die toekenning vir beste byspeler by die Silwerskerm-toekennings gewen vir sy rol as Elvin in Old Righteous Blues, die einste fliek wat in Oktober vanjaar as Suid-Afrika se Oscar-inskrywing gekies is. Aan die begin van November is hy boonop vir twee Aardklop-toekennings vir Ken Jy Vir Dewie? en Laaitie Mettie Biscuits benoem. En van 5 Desember af speel hy in die reeks, Spooksoeker.

Die minister van omgewingsake, Dion George, het verlede week ‘n kennisgewing in die Staatskoerant gepubliseer, met ‘n versoek aan leeutelers om hulle leeus te steriliseer, geen nuwe genetika aan te koop nie, en om leeudele wat vir wettige uitvoer bestem is, aan die staat te oorhandig. Dié kennisgewing het leeuboere die harnas in. Ons praat hieroor met die bestuurshoof van Wildbedryf Suid-Afrika, Richard York.

Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.

Blaine Jones praat oor die regulering van kunsmatige intelligensie.

Die sanger, akteur en aanbieder, Leah, bring haar sjarme en energie na die verhoog as Cindy in Aspoestertjie – Die Pantomime.

Gisteraand is die eerste miljoenrandwenner in die gewilde vasvraprogram op kykNET, WIE WORD ’N MILJOENÊR, aangewys. Die 47-jarige Herman Bosman het in die 12de episode van die reeks se derde seisoen, sy laaste hulplyn na sy 75-jarige ma, Vida Bosman, ingespan om die finale vraag reg te beantwoord. Riaan van Heerden, die aanbieder, se vraag aan Herman was: “Watter relikte wat in Parys se Notre Dame-katedraal bewaar word, is ongeskonde ná die 2019-brand?” Herman, wat saam met sy lewensmaat, Anthony Rau, ’n blommeplaas in George bedryf, is ’n kerningenieur en het chemiese ingenieurswese by Tukkies geswot. Daarna het hy sy PhD in Amerika by die Universiteit van Michigan gedoen.

Albe Grobbelaar vertel van die Franse denker, François-Marie Arouet de Voltaire.