Vandeesweek, 25 jaar gelede, is die eerste programme van die eerste private Afrikaanse televisiekanaal, kykNET, uitgesaai. Die uistaaiveteraan, Marida Swanepoel, wat ‘n lang loopbaan by die SAUK, eers by radio en later TV, gehad het, was deel van die proses. Waldimar Pelser is deesdae die grootbaas van kykNET, en hy het land en sand met Pieter Steyn gesels oor televisie, Afrikaans, sy dae as joernalis in Nigerië en sy studies by Oxford.
Albe Grobbelaar vertel van Rock en Country se eksentrieke, legende, Jerry Lee Lewis.
Dawie Roodt van die Efficient-groep praat oor Elon Musk.
Die afgelope naweek was dit presies 35 jaar gelede wat die Berlynse muur geval het, en daarmee saam, die spreekwoordelike ystergordyn. Dit het Duitsland in oos en wes verdeel, met die Sosialistiese Eenheidsparty, met sy bande met die kommunistiese Sowjetunie, wat Oos-Duitsland regeer het. Die muur het Duitse families vir dekades geskei. Mikhail Gorbatsjof, die Sowjetunie se kommunistiese leier, het sy hervormingsbeleid van glasnost en perestroika, of te wel deursigtigheid en ekonomies-politieke heropbou in die 1980’s van stapel gestuur, wat uiteindelik tot die val van die Berlynse muur én die Sowjetunie gelei het. Dit het die wêreld verander. Hier is ‘n uittreksel uit die BBC-verslag wat op 11 November 1989, ‘n dag na die val van die muur, op die SAUK se Engelse diens uitgesaai is.
Die omstrede nuwe SAUK-wet is deur die Minister van Kommunikasie en Digitale Tegnologie, Solly Malatsi, terug getrek. Die wet is verlede jaar deur Malatsi se voorganger en huidige adjunk, Mondli Gubgubele, in die parlement ter tafel gelê. Talle mediawaghondorganisasies soos Media Monitoring Africa, die Suid-Afrikaanse redakteursforum en die Support Public Broadcasting Coalition het die voorgestelde wetgewing skerp gekritiseer. Ons praat hieroor met minister Malatsi.
Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.
Gister op Rand en Sent het Jody Hendricks met Tracey Peters van die Staatsdienspensioenfonds oor die begrafnisvoordele van die fonds gepraat. Ons sit die gesprek voort, en sy reageer op jou vrae.
By die pas afgelope Statebondskonferensie, waar staatshoofde van Statebondslande byeen was, was een van die groot besprekingspunte ‘n eis van vergoeding en ‘n verskoning van Brittanje vir dié land se betrokkenheid by slawerny. Die voormalige Britse eerste minister, Tony Blair, het in 2007 en 2009 verskoning gevra, maar veral Afrika- en Karibiese lande voel dis nie genoeg nie. Nederland se koning Willem Alexander het ook al verskoning gevra, en Duitsland het miljoene dollar aan Namibië belowe vir sy rol in onder meer die Herero-volksmoord. Ons praat hieroor met dr. Lindie Koorts, historikus verbonde aan die Universiteit van Pretoria.
Albe Grobbelaar vertel van die Australiese strykrower, Ned Kelly.
Dawie Roodt van die Efficient-groep praat oor die magtige dollar.
