Vanmiddag om 13:00 kondig RSG en Virseker die wenner aan van die eerste Bakgat-beskuitkompetisie. Ons saai regstreeks van Virseker se hoofkantoor uit. Andriëtte de la Harpe was ‘n naaswenner in Masterchef Suid-Afrika, en bedryf haar eie bak-besigheid, Mondvol. Sy is een van die beoordelaars wat die beste beskuit moet aanwys, en sy sal as ‘n mentor vir die wenner optree.
Wynand Kotze (Tollie Parton) gesels oor die nuwe Tollie & Manila Show.
Ons praat in ons reeks oor filosofie, stelsels en die natuur met professor Erik Holm oor die lesse wat te leer is uit die natuur. Erik is ‘n voorste entomoloog en natuurkenner. Verlede week het ons gekyk na interaksie, en nou kyk ons na volhoubaarheid en aanpasbaarheid.
Albe Grobbelaar vertel van die toevallige tweeling, Barend Cilliers en Frederic Hugh Page Creswell.
Elke Brink van PSG Wealth R21 op Stellenbosch praat oor die verswakking van die Rand.
Met ongeveer 42 lande wat vanjaar in aktiewe gewapende konflikte of oorloë betrokke is, kom tegnologie se rol gereeld onder die loep. In ‘n onlangse artikel in Rapport skryf die ekonomiese historikus, prof. Johan Fourie van Stellenbosch, oor hoe tegnologie oorlog dryf. Tog is daar net ‘n handvol moondhede wat oor supertegnologie beskik, en selfs hulle sukkel teen teenstanders wat nie so tegnologies gevorderde wapentuig het nie. Dink maar aan Israel teen Hamas, en Amerika in Afghanistan. Ons praat hieroor met die hoof van strategiese studies aan die Fakulteit Krygskunde by die Universiteit Stellenbosch, professor Abel Esterhuyse.
Wynand Kotze (Tollie Parton) gesels oor die nuwe Tollie & Manila Show.
Die afgelope tyd het Suid-Afrika nie ‘n voltydse ambassadeur in Amerika gehad nie, nadat die vorige ambassadeur, Nomaindiya Mfeketo, lang tye met siekteverlof was en toe uiteindelik teruggeroep is. Die Minister van Buitelandse Sake, Ronald Lamola, het gister amptelik bekend gemaak dat Ebrahim Rasool, self ‘n voormalige ambassadeur na Amerika onder die Zuma-regering, weer die Suid-Afrikaanse ambassade in Washington DC sal betrek as ambassadeur.
Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.
Blaine Jones praat oor Australië se verbod op sosiale media vir kinders van 16 jaar en jonger.
