Author: admin

Bobby van Jaarsveld en sy vrou, Annatjie, het besluit om te skei. En, die jongste rolprente van Italië is in Johannesburg en Kaapstad te sien.

Albe Grobbelaar vertel van Andrew Carnegie, die staalmagnaat en filantroop.

Dawie Roodt van die Efficient-groep praat oor Bitcoin.

Een van Suid-Afrika se grootste skrywers en digters, Breyten Breytenbach, is gister in die vroeë oggendure in die ouderdom van 85 in sy tuisstad, Parys in Frankryk, oorlede. Benewens sy skryfwerk en poësie, was Breytenbach ook ’n skilder, en het dikwels skerp, kultureel-politieke kommentaar gelewer. Ons praat met ‘n vriend en kollega van Breytenbach, Antjie Krog.

Ons ontou Breyten Breytenbach, en speel ‘n gedeelye uit sy gedig, ek sal sterf en na my vader gaan.

Die drie maande wat president Cyril Ramaphosa aangekondig het om die verskille oor die BELA-wette by te lê, kom oor sowat drie weke tot ‘n einde. Tog blyk dit of die subkomitee wat aangestel is om tot ‘n konsesusbesluit te kom oor BELA, nie in sy doelwit gaan slaag nie. Die subkomitee bestaan uit verteenwoordigers van die ANC, die DA, VF Plus en Good. Solidariteit en AfriForum is ook besig met onderhandelinge en met ‘n bemiddelingsproses by die Nasionale Ekonomiese, Ontwikkelings- en Arbeidsraad, Nedlac. Ons praat hieroor met dr. Dirk Hermann, bestuurshoof van Solidariteit.

Die gesprek om die RSG-ontbyttafel begin elke oggend met ‘n oorsig van die dag se hoofopskrifte op plaaslike en internasionale nuuswebwerwe en koerantvoorblaaie.

Joshwin Dyson het die toekenning vir beste byspeler by die Silwerskerm-toekennings gewen vir sy rol as Elvin in Old Righteous Blues, die einste fliek wat in Oktober vanjaar as Suid-Afrika se Oscar-inskrywing gekies is. Aan die begin van November is hy boonop vir twee Aardklop-toekennings vir Ken Jy Vir Dewie? en Laaitie Mettie Biscuits benoem. En van 5 Desember af speel hy in die reeks, Spooksoeker.

Leon van Nierop vertel van ARTHUR THE KING op Showmax en THE SON op Prime Video.

Pieter van den Berg gesels oor Suid-Afrika se nuutste wêreldkampioen, Thulani Mbenge.