Shahieda het ‘n meestersgraad in kliniese sielkunde, en het haar eie privaatpraktyk in Kaapstad. Sy werk vanuit ‘n geloofsoogpunt, wat Islam én Christenskap betrek. Dit is haar sielsberoep, en sy glo dat God haar gesit het presies waar sy nou is.

Willem bied die middag huis-toe-ry-program, Spitstyd, aan. Op Saterdagaande kuier hy saam met jou in U Eie Keuse. Hy saai uit vir die blote liefde vir die medium.

Ettienne is ‘n avontuurlustige musiek- en sportliefhebber, wat vas glo dat ouderdom slegs ‘n getal is en glad nie bepaal wie jy is of waartoe jy in staat is nie.

JJ is ou wat nog altyd van ‘n lekker storie gehou het. Dié dat hy homself in soveel storiestoele bevind - akteur, skrywer, regisseur, stemkunstenaar, en nou aanbieder en programsamesteller van Kortom.

Nic de Jager is op Somerset-Wes gebore, het op Stellenbosch grootgeword en by Tukkies geswot. Hy was ’n omroeper/regisseur by die destyde Afrikaanse Diens van die SAUK van 1966 tot 1974. Hy woon tans op Somerset-Wes, en maak dokumentêre programme en musiekprogramme. Hy is ook ’n beroepsfotograaf.

Sophia van Taak het ’n agtergrond in die joernalistiek, en het ervaring as reisjoernalis, TV-aanbieder, vertaler en proefleser. Op RSG is sy die aanbieder van Vers en Klank.

Magdaleen se radiopad het begin as nuusverslaggewer by die SAUK, toe regisseur by Monitor & Spektrum en toe redakteur by Monitor & Spektrum. Sy was later RSG se stasiebestuurder.

Hazel is op Dinsdae en Donderdae aanbieder die jeugprogram, Kompas. Sy sê radio het haar gekies, en nie andersom nie.