Lizelle is ‘n ervare radioregisseur en -omroeper, en direkteur van Wordwise Media, wat bekend is vir die konseptualisering en maak van korporatiewe video- en opleidingsmateriaal.

Fanie is ‘n opvoedkundige praktisyn, en is die afgelope 40 jaar intensief betrokke by die bemagtiging van mense met gestremdhede in Suid-Afrika.

Na 10 jaar as joernalis by Huisgenoot het dié borrelende plattelander uiteindelik haar nis gevind – RADIOWERK.  Haidee glo vas dat elke liewe mens ’n storie het, daarom gaan soek sy gereeld stories oor Jan Alleman.

Weeksmiddae en Sondagoggende kuier Henco by RSG-luisteraars. Hy is ook die aanbieder van die gewilde insetsel, Kuns Met Kontant, op Spitstyd.

Ryk is sedert 1997 ‘n finansiële joernalis. Hy is tans die redakteur van Moneyweb, die vervaardiger van RSG Geldsake.

Nic de Jager is op Somerset-Wes gebore, het op Stellenbosch grootgeword en by Tukkies geswot. Hy was ’n omroeper/regisseur by die destyde Afrikaanse Diens van die SAUK van 1966 tot 1974. Hy woon tans op Somerset-Wes, en maak dokumentêre programme en musiekprogramme. Hy is ook ’n beroepsfotograaf.

Ilse Salzwedel is ‘n joernalis en skrywer van Johannesburg. Daar het al vier boeke uit haar pen verskyn.

Santoni is bekend vir haar deelname in Survivor SA seisoen 8, waar sy baie naby aan die wenprys gekom het. Sy het 'n obsessie om ander te help om ware liefde te vind.